Жаңалықтар

Назар аударыңыз! Абайлаңыз, алаяқтар!

Құрметті тұтынушылар!

«Біріккен ЭнергоСервистік Компания»  АҚ (бұдан әрі – «БЭСК» АҚ) соңғы уақытта өздерін энергия өткізуші ұйымдардың қызметкеріміз деп таныстырған белгісіз тұлғалардың қоңырау шалуы жағдайлары жиілеп кеткенін хабарлайды. 

Олар электр энергиясын есепке алу аспаптарын (электр есептегіштерін) тегін ауыстырып беру қызметін ұсынады.

Назар аударыңыз! Сіздің жеке деректеріңізге қол жеткізу мақсатында алаяқтар  осындай қоңыраулар шалады.

Сіздерден өте мұқият болуларыңызды және телефон арқылы ешқандай жеке ақпараттарыңызды (сізге SMS-хабарламамен не басқа да жеке деректерде келіп түскен кодты), сондай-ақ құпия сөздерді немесе қаржылық ақпаратты бермеулеріңізді сұраймыз. Күмәнді хабарламалардың немесе электрондық пошталардың сілтемелеріне өтпеңіз, тіпті олар ресми болып көрінсе де.

Ақпараттың дұрыстығын нақтылау үшін «БЭСК» АҚ-ның Байланыс-орталығына  8 (72 32) 700-555 телефон нөмірі арқылы хабарласыңыз.

Өз деректеріңізді қорғаңыз және компанияның тек ресми өкілдерімен ғана байланыста болыңыз!

Сонымен қатар, тек «БЭСК» АҚ-ның теңгеріміндегі, АСКУЭ – электр энергиясын еспепке алу аспаптары ғана  тегін ауыстыруға жататындығын ескертеміз. АСКУЭ дегеніміз –  бұл тұтынушыларды тұтынылған электр энергиясы үшін төлем сомасын есептеу үшін ай сайынғы көрсеткіштерді энергия беруші компанияға беру қажеттілігінен босататын, коммерциялық есепке алу құралынан (бұдан әрі - КЕАҚ) көрсеткіштерді автоматты түрде өзі  оқитын құрылғы. АСКУЭ КЕАҚ ауыстыру қажет болғанда, «БЭСК» АҚ кондоминиум объектісіне (ПИК, МИБ) хабарлайды немесе кері байланысқа шығу үшін тұтынушыларға телефон нөмірі көрсетілген хабарлама/ескертулер қалдырады. Сондай-ақ, бұл жұмыстарды ұйымдастыру барысында «БЭСК» АҚ қызметкерлері тұтынушылардан жеке деректерін, құпия сөздерді, кодтарды сұрамайтынын ескерулеріңізді өтінеміз.

Тексеру/пайдалану мерзімі аяқталған немесе басқа санаттағы есепке алу аспаптарын мамандандырылған ұйымдардың көмегімен  тұтынушылар өз бетінше ауыстырады. КЕАҚ кезекті тексеру күнін «БЭСК» АҚ-ның Байланыс орталығынан білуге болады.

«БЭСК» АҚ қызметкерлері қызмет көрсететін тұрғын объектілеріне барған кезінде фотосуреті бар және ұйымның мөрі қойылған белгіленген үлгідегі қызметтік куәлігін көрсетуі тиіс екеніне назарларыңызды аударамыз.

Бұл маңызды! «БЭСК» АҚ қызметкерлері компанияның атынан әрекет етеді және оның атауын дұрыс атайды («Біріккен ЭнергоСервистік Компания» АҚ - «БЭСК» АҚ).

Алаяқтық туралы кез-келген деректер мен күдік бойынша дереу   «102», «112» нөмері арқылы құқық қорғау органдарына хабарлаңыз.

Өзіңізді қорғаңыз және сақ болыңыз!